Фудбал
Се врати каде што почна, допинг суспензијата истекува на 23 јули, па ќе му се приклучи на Работнички
Работнички го доведе првото засилување за следната натпреварувачка сезона. Нов фудбалер е Муарем Муарем. Офанзивниот играч за врска потпиша едногодишен договор со Работнички и се враќа во клубот во кој ја почна професионалната кариера (2008-2010), а настапуваше и во сезоната 2010/11
Муарем Муарем во Македонија настапуваше за Работнички, Тетекс и за Шкупи, а интернационалната кариера ја градеше во Турција (Ордуспор, Ескишехирспор), Азербејџан (Карабах), Казахстан (Актобе) и во Албанија (Фљамуртари).
Муарем Муарем ќе се приклучи на тренинзите на тимот по 23 јули, кога ќе истече неговата суспензија откако имаше позитивен допинг тест пред две години.