Се вжештуваат страстите во Лига Европа

Вечерва ќе се одиграат првите 1/4 финалиња во Лига Европа . На програмата се многу интересни пресметки, почнувајќи од РБ Лајпциг и Аталанта од 19.45 часот. Преостанатите три натпревари се од 22.00 часот, а неприкосновен миленик на навивачите е гостувањето на Барселона кај Ајнтрахт во Франкфурт. Останатите натпревари се Вест Хем – Лион и Брага – Ренџерс.

Во Франкфурт , Каталонците со нетрпение ја очекуваат посетата, а стадионот на Дојче Банк Парк е распродаден. Претседателот на Ајнтрахт го спореди овој натпревар по важност за клубот со финалето за КЕШ во 1960 година, загуби од Реал Мадрид со 3:7.

Победникот од ова четвртфинале во следната фаза ќе се соочи со Вест Хем или Лион . Лондончани се фаворит вечерва. Двата тима не се познаваат, а менаџерот Дејвид Мојс се фокусира на поголемото европско искуство на Французите. Натпреварот за „чеканите“ го пропуштаат Мануел Лансини и Анџело Огбона . Надвор од Лион се Максенс Каркере, Рајан Шерки и СиналиДиоманде.

Интересен е и натпреварот помеѓу РБ Лајпциг и Аталанта , бидејќи двете екипи играат отворен и атрактивен фудбал. За домаќините во прашање е Тајлер Адамс , а надвор од сметките на тренерот Џовани Тедеско се Амаду Хајдара и Јусуф Поулсен . Рафаел Толои , Берат Џимсити и Дуван Запата се повредени во тимот на Аталанта . Победникот од оваа двојка ќе се соочи во спорот за пласман во финалето против Брага или Ренџерс.