Селекторот на Катар: Ги изгубивме нервите

Селекторот на Катар, Феликс Санчез го коментираше поразот на неговиот тим од Еквадор со 2-0 на почетокот на Светското првенство во 2022 година.

„Не очекувавме ваков натпревар. Ќе мора да анализираме што се случи и да се концентрираме на следниот натпревар, кој ќе биде барем исто толку напорен. Можеме да се подобриме бидејќи не одигравме на нашето најдобро ниво. Можеби ни измачија нервите, почнавме многу лошо. Направивме многу грешки. Не видов 4 додавања по ред и направивме многу грешки. Не бевме избалансирани во транзицијата“, рече Санчез.

„Ќе се обидеме тактички да се подобриме и да бидеме поцврсти. Во вториот дел се играше порамномерно, но вистината е дека не бевме толку блиску до голот. Мислам дека бевме далеку од тоа што можеме да го покажеме. Денеска имаше голема нервоза бидејќи играме пред своја публика“, заврши селекторот.