Серхио Перез стартува од последната позиција

Возачот на Ред Бул, Серхио Перез ќе стартува од последната стартна линија поради промена на моторот, откако во квалификациите постигна разочарувачко 16 -то место и испадна во првиот дел од квалификациите.

Мексиканецот и онака мораше да го земе четвртиот мотор оваа сезона, откако Хонда го отпиша моторот од Унгарија по инцидентот во првиот круг, а лошиот резултат во квалификациите е можност Ред Бул да го смени моторот без многу влијание врз почетна позиција.

Перез не успеа да влезе во последниот брз круг во првиот квартал, откако неговиот прв круг не беше доволно добар за да помине. Неговиот клупски колега Макс Ферстапен ќе стартува од првата позиција.

Трката за ГН на Холандија во недела во 15 часот.