Сетиен му одговори на Пике: „Не знам зошто тој смета дека Реал ќе победи на сите натпревари?“

Изјавата на Џерар Пике по ремито во Севиља ги загрижи навивачите на Барселона, но тренерот Кике Сетиен верува дека нема причина за тоа.

Барселона одигра 0-0 против Севиља ,а Пике изјави по натпреварот дека „повеќе не е сè во наши раце, особено затоа што Реал нема да изгуби поени“. Пике на некој начин го прогласи Реал Мадрид за голем фаворит за титулата пред Барселона, но тренерот Сетиен сега ги смири навивачите.

“Очигледно е момент на фрустрација кога Пике рече вакво нешто. Особено затоа што игравме добро во првото полувреме. Можеби сегашното чувство не е позитивно, но сигурен сум дека ќе размисли поинаку”, рече Сетиен, додавајќи:

„Не знам зошто тој смета дека Реал ќе ги победи сите нивни натпревари? Мислам дека тоа нема да се случи. Реалноста е дека веќе не зависи од нас, но тоа може да се промени. Однапред знаевме дека ќе биде многу тешко да се победи на секој натпревар до крајот и тоа е практично невозможно. Не е дека сум задоволен од поентата, но тоа е помалото од двете зла “.

Барселона во вторник ќе биде домаќин на Атлетик Билбао, но тие првенствено се надеваат дека Реал нема да слави вечерва во тешкиот гостински натпревар на „Сан Себастијан“ против Сосиедад.