Шампион со големо срце: Сите ја напуштаат Украина, тој оди токму таму

Украинскиот боксер Олександр Усик остана во Лондон неколку дена и се врати во својата земја и покрај тоа што војната е во тек.

Светскиот шампион во тешка категорија ВБО, ВБА, ИБФ се врати од Лондон, а на Инстаграм сподели неколку фотографии на кои се гледа како се враќа во земја во која беснее војна.

Усик останал во Англија неколку дена поради работа, но откако дознал дека војната започнала во Украина, се вратил дома.

„Некој рече дека побегнав. Не, не побегнав, работев и сега се вратив. Јас сум дома“, рече Усик.

„Пријатели, мора да се собереме поради тешката ситуација во моментов и многу сум загрижен за мојата земја и нашиот народ. Пријатели, мора да ја прекинеме оваа војна, сите сме заедно“, додаде боксерот.

Украинските спортисти и поранешните спортисти веќе неколку дена повикуваат на мир, но исто така изразија подготвеност да ја одбранат својата земја среде вонредна состојба.

Претходно, Витали, кој сега е градоначалник на Киев, изјави дека е подготвен да земе оружје за да се одбрани од Русија. Неговиот помлад брат Владимир, исто така, наводно се пријавил во војска претходно овој месец.

„Во моментов рускиот претседател ја користи реториката на војна. Тој јасно кажа дека сака да ја уништи Украина и суверенитетот на нејзиниот народ“, рече Владимир Кличко.