Шефот на Барса: Немаме договор со Левандовски

Извршниот директор на Барселона, Матеу Алемани го сподели своето мислење за една од најактуелните теми околу каталонскиот велемајстор – можното привлекување на Роберт Левандовски .

„Имаме голема почит кон Левандовски , тој е многу важен играч за неговиот тим. Живееме во свет на медиумски шпекулации. Можам да кажам дека немаме договор со него. „Ако сме заинтересирани за играч, прво ќе разговараме со неговиот клуб“, рече Алемани .

Според различни извори, Лева веќе ги договорил личните услови со Барса, а „блауграните“ се подготвени за него да платат 40 милиони евра  на Баерн (Минхен) .

„Нашиот број 9 следната сезона ќе биде Пјер-Емерик Обамејанг. Тоа не значи дека нема да го следиме пазарот и да реагираме доколку се укаже добра можност “, додаде директорот на Каталонците.

33-годишниот Левандовски се уште не го обновил договорот со Баерн и не е јасно дали ќе го стори тоа. Полјакот има 47 гола во сите натпреварувања во сезоната.