Connect with us

Други спортови

Шифрин победува и пишува историја

Американската скијачка Микаела Шифрин победи на италијанскиот Кронплац и со 83. триумф во кариерата го презеде водството на вечната листа на најдобри алпски скијачки во Светскиот куп. Ја остави нејзината прославена сонародничка и кралица на брзите патеки, Линдзи Вон.

Во седмиот велеслалом во сезоната, Шифрин беше лидер и по првото возење, а победи со време од две минути и 61 стотинка. Тоа е нејзина деветта победа оваа сезона. Првата победа ја постигна на 20 декември 2012 година, а победува веќе 11 сезони.

Таа оваа сезона славеше уште три пати во велеслалом, четири пати во слалом и еднаш во супервелеслалом.

Шифрин за 45 стотинки беше побрза од второпласираната Швајцарка Лара Гут-Бехрами, додека Италијанката Федерика Брињоне беше трета со заостаток од една секунда и 43 стотинки.

Петра Влхова од Словачка беше четврта, Теса Ворли од Франција заврши петта, а Сара Хектор од Шведска заврши шеста.

Шифрин со триумфот во Кронплац го презеде водството во пласманот во велеслалом со 500 бодови и има 49 повеќе од Марта Базинет, која денеска беше десетта. Третопласираниот Гут-Бехрами освои 437 поени.

Шифин е и на лидерската позиција во генералниот пласман на Светскиот куп со 1.417 бодови. Гут-Бехрами е втор со 861, додека Влхова е трета со 846 бодови.