Шкендија поразена во Велс, но продолжува со квалификациите за ЛШ

Македонскиот првак Шкендија успеа да обезбеди пласман во второто коло од квалификациите за Лигата на шампионите (ЛШ).

Иако Шкендија на реванш натпреварот во Велс против ТНС претрпе тежок пораз од 4:0, благодарение на поголемата предност од 5:0 од првиот натпревар во Скопје избегна елиминација.

Велшаните поведоа со погодокот на Дин Ебе во 15-та минута, а во 30-та минута Даниел Редмонд зголеми на 2:0.

Пет минути подоцна благодарение на погодокот на Бенџамин Кабанго домаќините имаа предност од 3:0.

Фудбалерите на ТНС и во второто полувреме продолжија да вршат притисок врз голот на Шкендија. Во финишот на натпреварот Куртис Бирн го постигна четвртиот гол и во 96-та минута ги постави конечните 4:0, но недоволни за пресврт на состојбата.

Шкендија во второто квалификациско коло за Лигата на шампионите ќе се соочи со подобриот од натпреварот меѓу молдавски Шериф Тираспол и грузиски Торпедо Кутаиси. По првиот натпревар во Грузија, Торпедо има предност од 2:1, а реваншот се игра денеска од 19 часот во Молдавија.