Шок за Хрватска, во борбата за медал тргнува без двајцата најдобри ракометари

Хрватските ракометари Домагој Дувњак и Лука Циндриќ се уште се позитивни на коронавирус.

Дувњак и Циндриќ важат за клучни играчи во хрватската ракометна репрезентација, но сепак се позитивни, па со остатокот од тимот нема да патуваат во Сегед каде ги очекува натпреварите на ЕП против Франција, Србија и Украина.

Тие ќе останат во Осиек до дополнително известување и ќе чекаат негативен тест за Ковид-19.

„Дувњак и Циндриќ се уште се позитивни, што значи дека мора да останат во Осиек“, изјави доктор Томислав Кукин, лекар од хрватската репрезентација.

Тренерот Хрвоје Хорват утре ќе го објави конечниот список на патници, а освен Домагој и Лука, сите останати играчи се здрави и подготвени.

Дувњак и Циндриќ ќе и се приклучат на хрватската репрезентација веднаш штом ќе добијат негативни тестови, а се уште не се знае кога тоа би можело да се случи.