Фудбал
Симеоне станува вистинска легенда на Атлетико Мадрид
Успехот на Атлетико Мадрид над Алавес ја продолжи успешната серија на „јорганџиите“, кои веќе имаат 4 последователни победи и се цврсто на третото место во Ла Лига.
Победата е под бр.195 за Диего Симеоне на чело на тимот во шампионатни натпревари. Така, Аргентинецот го подобри рекордот на уште една легенда на Атлетико – Луис Арагонес, кој има 194 успеси во шпанскиот шампионат како тренер на Мадрид.
??? & ????? ???????.
?⚪ #AúpaAtleti pic.twitter.com/MSS5UMvqOt
— Atlético de Madrid (@atletienglish) June 27, 2020
Симеоне ја презеде тренерската позиција на „црвено-белите“ во 2011 година, а досега донесе 7 големи трофеи во витрините на клубот – титулата во Ла Лига (2014), Кралскиот Куп (2013), Шпанскиот Суперкуп (2014), Лигата на Европа (2012, 2018) и Европскиот Супер куп (2012, 2018).