Сите беа против, но еден детаљ го спаси Ф1 пилотот Грожан од сигурна смрт

Безбедносната шипка од титаниум, т.н „ало“, уред кој претрпе жестоки критики при воведувањето во Формула 1 во 2018-та година, го фалат сите по страотната несреќа во неделата на Французинот Роман Грожан. По ударот на неговиот болид во оградата и откако пламна во оган, тој се спаси и помина само со изгореници, благодарејќи токму на тој изум.

-Пред неколку години не бев за овој уред. Но, сега мислам дека тоа е најдобрата работа воведена во Формула 1. Да го немаше ова денеска не би можел да ви се обратам, изјави Грожан во видео порака испратена од болница.

Со исти изјави излегоа и уште неколкумина пилоти, како што се неговиот тимски колега Магнусен, потоа Расел од Вилијамс и Марк Ферстапен од Ред Бул.

?? FLASH – Les images impressionnantes de Romain Grosjean sortant des flammes. Sa monoplace est coupée en 2. Le pilote ?? de #F1, miraculé, souffre de brûlures légères. Il a été transporté en ambulance après son crash au 1er tour du #BahrainGP. (équipe) pic.twitter.com/oii2qWNWSU

— Mediavenir (@Mediavenir) November 29, 2020