Сите се изненадени од оправдувањето на Валиева за допинг: „По грешка ја земав таблетата на дедо ми“

Камила Валиева доби дозвола да се натпреварува во уметничко лизгање на продолжението на Олимпијадата во Пекинг.

Валиева успеа да го освои златото во екипна конкуренција за Русија, а го воодушеви светот бидејќи стана првата жена која направила четворократен пресврт.

15-годишната девојка ги воодушеви сите со својот настап, но само неколку дена подоцна се најде во центарот на скандал. Имено, беше објавено дека паднала на допинг тест на 25 декември бидејќи била позитивна на триметазидин.

Поради тоа, доделувањето на медалите беше одложено, а ЦАС покрена брза истрага, по што вчера беше соопштено дека Валиева добила дозвола да настапи во поединечна категорија и да се бори за медалот.

Сепак, МОК соопшти дека примерокот Б допрва треба да се анализира и дека повторно ќе се тестира. Доколку освои медал во поединечна конкуренција, наградата нема да се одржи за време на Игрите, бидејќи ќе се чека конечниот исход од оваа допинг ситуација.

Исто така, Валиева сведочеше пред ЦАС за овој случај, а многумина беа изненадени од нејзиното оправдување зошто била позитивна на допинг тестот кон крајот на минатата година.

„Нејзиниот аргумент беше дека сето тоа се случило со мешање со таблетите што ги користел нејзиниот дедо и дека таа случајно ги земала“, изјави претседателот на Дисциплинската комисија на МОК, Денис Освалд.