Сите заминуваат од Реал Мадрид – Тотална реконструкција, Бензема и Асенсио и најголемото промашување сега е поранешен, си одат уште троица!

Реал Мадрид влегува во нова ера! Откако се официјализираше заминувањето на Карим Бензема и Маријано Дијаз, по сигурниот трансфер на Марко Асенсио во Пари Сен Жермен и преговорите со Еден Азар за раскин на договорот, се уште нема размислувања за засилувања. Засега тимот се расчистува! Засега само на платите на фудбалерите кои треба да си заминат од клубот заштедиле околу 75.000.000 евра годишно, а отпишани се уште тројца фудбалери.

Еден од нив е легендарниот дефанзивец Начо, кој порасна во младинската академија на клубот и целата своја кариера ја помина на Сантијаго Бернабеу. Сигурниот дефанзивец е подеднакво добар на сите три одбранбени позиции и влегува во тимот како стопер или бек на двете страни по потреба.

Во текот на сезоната тој истакна дека е незадоволен од својот статус во тимот и наводно веќе договорил се со Интер. Другиот фудбалер кој заминува е Дани Себаљос, кој не сака повеќе да чека. Шпанецот имаше некои блесоци оваа сезона, но со оглед на тоа што Лука Модриќ и Тони Крос останаа во тимот, а  Чуамени, Федерико Валверде и Едуардо Камавинга имаат предност, тој повеќе не сака да биде на втор план.

Најголем проблем со заминувањето ќе има Хесус Ваљехо. Талентираниот стопер од младинската академија не може да добие минутажа покрај Едер Милитао, Антонио Ридигер и Давид Алаба, но не сака да си оди додека не му истече договорот во 2025 година. Покрај се, од Реал беше најавено дека нема да има нови засилувања во средниот ред, туку ќе треба да се засилат нападот и одбраната за следната сезона.