Connect with us

Фудбал

Солскјер за три години во Манчестер Јунајтед заработи вистинско богатство

Норвешкиот стручњак Оле Гунар Солскјер пред неколку дена доби отказ од клупата на Манчестер Јунајтед.

„Црвените ѓаволи“ имаа многу лоша резултатска серија во последните недели, а по поразот од Вотфорд, челниците на клубот решија да го отпуштат.

Солскјер по тој натпревар се прости од играчот во соблекувалната бидејќи беше свесен дека сега ќе биде тешко да се извлече, а само неколку часа подоцна беше потврдено дека повеќе не е тренер на Манчестер Јунајтед.

Норвежанецот во солзи се прости од Манчестер Јунајтед и беше јасно колку му е тешко да добие отказ, но сигурно ќе се смири кога ќе ја види неговата банкарска сметка.

Имено, веќе е јасно дека Јунајтед ќе мора да му плати отштета на Солскјаер за отказот, а се шпекулира дека норвешкиот стручњак ќе добие 7,5 милиони фунти.

Сепак, англиските медиуми утринава објавија дека Солскјер заработил многу пари за време на престојот на тренерската клупа на Манчестер Јунајтед на основа на неговиот договор, но дека воопшто не ги оправдал очекувањата.

Солскјер не успеа да освои ниту еден трофеј со Јунајтед во трите години што ги помина на клупата на клубот. Исто така, медиумите во Англија пресметале дека Солскјер во тој период заработил дури 26 милиони фунти.

Норвежанецот го чинеше Манчестер Јунајтед над 30 милиони фунти, но неговиот престој на Олд Трафорд на крајот не се покажа како добро решение.

Реклама

Facebook

Реклама