Сопругата на Хозе Каљехон бесна на старите луѓе: „Зарем не сфаќате дека ова го правиме поради вас?“

Марта Понсати Ромеро, сопруга на ѕвездата на Наполи, Хозе Каљехон, беше многу лута што одлуките донесени од италијанската влада не се почитуваат.

Италија е најзагрозената европска земја во моментот поради пандемијата на коронавирусот и досега починаа дури 2158 лица.

Бројот на заразени на италијанско тло се зголемува од час во час, така што сите се во карантин на неопределено време. Има и такви кои не ги почитуваат наредбите и упатствата на надлежните, што само ја влошува состојбата и резултира со уште поголем број на болни и починати.

Токму поради тоа се огласи сопругата на Каљехон, Марта, која е свесна дека честопати правилото не го почитуваат оние на кои им треба најмногу.

„Моето семејство веќе седум дена е во куќата, моите ќерки со нетрпение чекаат да се сончаат и да трчаат низ паркот. Ја напуштам куќата само половина час за купување, но скандалозно е што многу постари луѓе шетаат наоколу како ништо да не се случило. Не сфаќате ли дека сето ова го правиме најмногу за вас?“, објави Марта на својот Инстаграм.