Срамно однесување на навивачите на Ријека: Навреди на национална основа кон нашиот Адеми, го гаѓаа со столица додека бил со семејството!

Динамо и Ријека се сретнаа во 24. коло на СуперСпорт ХНЛ на Максимир, каде продолжи битката за шампионската титула. Сините победија со 1:0 со голот на Фран Бродиќ во последната, 95. минута од натпреварот од пенал. Левиот бек на Ријека, Бруно Года, направи несмасна грешка во шеснаесетникот на Шпикиќ, а Бродиќ ја реализираше најстрогата казна и на тој начин дебитираше во првиот тим во дресот на Динамо.

Во пресрет на самиот натпревар Марко Ливаја повторно се најде на тапет на навивачите на Ријека, а по мечот додека гостинските навивачи чекаа полиција да ги спроведе од јужната трибина, за малку ќе настрадаше капитенот на Динамо, Аријан Адеми. По завршувањето на обврските во микс-зоната, Адеми поминуваше под трибината во друштво на сопругата и синот, набрзо го забележаа навивачите на Ријека и почнаа да го навредуваат на национална основа, а недолго потоа фрлена столица кон Адеми и неговата фамилија.

Полицијата ја смири ситуацијата, а само поради среќа Адеми и неговото семејство останаа неповредени.