Суарез ги откри имињата на тројца играчи за кои смета дека би можеле да го заменат во Барселона

Барселона веќе некое време бара играч кој ќе го замени Луис Суарез.

Уругваецот пристигна на „Камп Ноу“ во 2014 година и оттогаш одигра 262 натпревари за тимот од „Каталонија“ и постигна 182 голови, па со своите брилијантни игри беше еден од најзаслужните за многуте трофеи на клубот во последните неколку години.

Сепак, во јануари Суарез ќе наполни 33 години, а за него е јасно дека времето полека минува и тој во едно интервју ги откри имињата на тројца играчи за кои смета дека би можеле да го заменат.

“Еден е Абрахам. Тој е број девет во Челси. Тој изгледа како многу добар напаѓач за мене. Тој е многу млад, но неговото движење е добро и финишот е многу добар”.

„Уште еден што ми се допаѓа е Макси Гомез. Не само затоа што тој е Уругваец, туку и затоа што има толку квалитети што клубот ги бара во напаѓач“.

„И тука е Лаутаро Мартинез кој исто така покажува какво фантастично ниво на игра има“, рече Суарез.