Тик-так, тик-так отчукува, вечерва „бомба“ во Мадрид, Бензема заминува за 100.000.000 годишно!

Познатиот центарфор Карим Бензема (35) го напушта Реал Мадрид и заминува во Саудиска Арабија каде ќе игра за Ал-Итихад! Таа вест ексклузивно ја објави шпански „АС“ со објаснување дека преговорите напреднале и дека официјализирањето на договорот е прашање на часови.

„Извори блиски до арапскиот клуб уверуваат дека договорот е речиси готов и дека доколку биде потпишан, Бензема ќе заработува повеќе од 100 милиони годишно!“. Доколку се случи овој трансфер, Бензема ќе го напушти Реал како петкратен европски шампион, четирикратен шпански шампион, освојувач на Златната топка и стрелец на 353 гола на 647 натпревари за „кралскиот клуб“. Згора на тоа со 165 асистенции е најуспешен по тој критериум во историјата на клубот.

Според „Ас“, Бензема веќе го контактирал Кристијано Роналдо и се распрашал за квалитетот на животот во Саудиска Арабија, како и за нивото на тамошната фудбалска лига. За разлика од Ал-Наср на Роналдо, Ал-Итихад на Бензема успешно ја заврши сезоната со освојување на титулата, со што се пласираше во Лигата на шампионите на АФЦ. Неговиот нов клуб веќе објави монтажа на Бензема во дресот на Итихад, погледнете како тоа изгледа:

🚨 Al-Ittihad fan showed a Karim Benzema edit on the big screen during their title celebrations. pic.twitter.com/zaHjDkQSTi

— Madrid Xtra (@MadridXtra) May 31, 2023