Титулата на Баерн ќе се доделува по натпреварот против Штутгарт

На Баерн (Минхен) ќе му биде доделена германската титула по последниот натпревар на домашен терен сезонава против Штутгарт на 8 мај. Баварскиот клуб во средата соопшти дека капитенот Мануел Нојер ќе го добие трофејот од директорката на германскиот фудбалски лигаш Доната Хопфен.

Натпреварите во Првата Бундес лига завршуваат на 15 мај кога Баерн гостува кај Волфсбург.

„Црвените“ триумфираа со рекордната десетта последователна титула на земјата по победата со 3-1 на домашен терен над Борусија Дортмунд минатата сабота.