Тоти смета дека легендаринот голман сака да брани до 50 години

Поранешниот соиграч на Буфон, од репрезентацијата на Италија, Франческо Тоти, кој е легенда на римскиот клуб Рома, даде интересна изјава во која го искажа своето мислење дека Буфон нема намера наскоро да се откаже од фудбалот.

„Џиџи сака да игра на 50-годишна возраст. Мислам дека нема да биде проблем тој да остане на теренот најмалку уште две или три сезони“, рече Тоти во интервјуто со уште едно големо име во италијанскиот фудбал, Фабио Канаваро.

Буфон во моментов има 42 години и се надева дека ќе го обнови договорот со „бјанконерите“ за уште една сезона. Неговата најголема мотивација е да ја освои Лигата на шампионите – трофејот што недостасува во неговата славна кариера.

Неодамна, во едно интервју, поранешниот дефанзивец на Јуве и составот на „азурите“, Андреа Барзали изјави дека му понудил на Буфон да се откаже од фудбалот и да стане тренер.