УЕФА ги враќа Русите, само Англичаните против: На повидок голем скандал, нема да попуштат!

УЕФА одлучи дека по 18 месеци исклучување на руските клубови и тимови поради војната во Украина – постепено ќе се олеснува. Така, на последниот Конгрес на ова тело беше донесена одлука руските екипи до 17 години (и машки и женски) да можат да учествуваат на меѓународни натпревари, почнувајќи од оваа сезона.

Очекувано, ваквата одлука го подели јавното мислење и предизвика „немир“ особено во Англија, која веќе се огласи на оваа тема. Според пишувањето на британскиот весник „Тајмс“, сите англиски селекции и репрезентации ќе одбијат да учествуваат на турнирите на кои ќе играат руските селекции до 17 години. Тие не сакаат „да се откажат од своите принципи и државна политика“ и покрај одлуката на УЕФА да ги реинтегрира младите фудбалери во својот систем.

Претходно УЕФА објави дека има голема задача да ги врати момчињата и девојчињата на меѓународните натпреварувања, иако ждрепките веќе се одржани за некои од турнирите, но во Англија тие се единствените (засега) кои немаат намера да се откажат и засега не е јасно како ќе се одвива работата. Ако одбијат да играат со Русите, Англичаните ќе загубат на зелена маса? Да потсетиме, Русите ќе учествуваат во натпреварите на УЕФА без истакнување на државното знаме, химна или опрема на репрезентацијата, додека самите натпревари нема да се играат на нивна територија.