УЕФА одвои 240 милиони евра за клубовите кои имаат репрезентативци

Европската фудбалска асоцијација (УЕФА) одвои 240 милиони евра, кои ќе бидат распределени меѓу клубовите кои имаат репрезентативци во периодот 2020-2024 година. Програмата за отштета на клубот се заснова на средствата генерирани од Европското првенство минатата година. Според УЕФА, по Евро 2020 година, 200 милиони евра биле поделени на 697 клубови од сите 55 членки на УЕФА.

Доделената сума за новиот циклус беше одобрена на состанокот на Извршниот комитет на УЕФА во четвртокот. Од штабот објаснија дека ќе бидат дадени 100 милиони евра за ослободување на играчи во двете изданија на Лигата на нации во сезоната 2020/21 и сезона 2022/23, како и за квалификациите за ЕП 2024.

„Ова претставува зголемување од 30 милиони евра во однос на Евро 2020 и ќе обезбеди поголема солидарност меѓу многу голем број европски клубови. Ќе се зголеми и сумата предвидена за ослободување на играчи за завршниот турнир на ЕП 2024 од 130 милиони евра на 140 милиони евра“, соопшти УЕФА.

Европското фудбалско првенство во 2024 година ќе се одржи во Германија.