УЕФА започна истрага против Партизан

Европската куќа на фудбалот (УЕФА) започна истрага против српскиот клуб Партизан, поради „инцидент на реванш натпреварот од квалификациите за Лигата на конференции против Санта Клара во Белград“.

УЕФА не прецизира зошто започнува истрага против српскиот тим.

„Во согласност со членот 31 (4) од Дисциплинската регулатива на УЕФА, етнички-дисциплински инспектор на УЕФА е назначен да спроведе дисциплинска истрага за инциденти што се случија на стадионот Партизан во Белград за време на возвратниот натпревар помеѓу ФК Партизан и ЦД Санта Клара одиграно на 26 август 2021 година “, се наведува во соопштението на УЕФА.

Европската куќа на фудбалот додаде дека информациите за споменатиот инцидент ќе бидат достапни во догледна иднина.

Според португалските медиуми Абола, станува збор за наводен расизам на навивачите на Партизан кон напаѓачот на Санта Клара, Алан.