Вакцината повторно проблем, спуштена рампата за Ѓоковиќ во САД, пред Мастерсот во Индијан Велс и Мајами

Најдобриот српски тенисер Новак Ѓоковиќ нема да може да игра на Мастерсот во Индијан Велс и Мајами, бидејќи американската влада до 10 април ги продолжи условите за влез во земјата, според кои патниците мора да приложат доказ за најмалку две вакцини против коронавирусот, пренесуваат американските медиуми.

Во образложението на американската влада се наведува дека невакцинираните лица можат да влезат во земјава само доколку ги исполнуваат критериумите за изземање.

🚨 | Breaking – USA extends entry requirement of proof of vaccination for non-US nationals until April 10 2023

💥 Unless you fall into an exemption criteria you have to show proof of 2 Covid vaccines, despite most world countries scrapping a vaccine requirements ages ago pic.twitter.com/Ppdg1kLWSP

— Jamie Jenkins (@statsjamie) January 3, 2023

Очигледно најдобриот српски тенисер Новак Ѓоковиќ поради вакви услови нема да може да игра на Мастерсот во Индијан Велс и Мајами, бидејќи не е вакциниран против коронавирусот.

Сепак, се уште постои можност одлуката да се смени бидејќи многу земји веќе се откажаа од сличните критериуми за влез.

Од истата причина Ѓоковиќ лани не можеше да учествува на турнирите кои се играа во САД и Канада, па покрај Индијан Велс и Мајами ги пропушти и Синсинати и УС Опен.