Вардар го доби градското дерби со Работнички

Во воведниот натпревар од третото коло на ПМФЛ одигран попладнево на арената „Тодор Проевски“, екипата на Вардар го победи градскиот ривал Работнички со 2:0.

Првиот гол за вардарци на натпреварот, воедно и прв во новата сезона го постигна Колевски во 56 минута. Црвено-црните пропуштија уште неколку изгледни можности за втор гол, за конечно во првата минута од судиското продолжение, Аврамовски да се запише во листата на стрелците и да ги постави конечните 2:0.

Утре од 17 часот, на програмата се преостанатите четири натпревари од ова коло, а двојките се: Струга – Силекс, Шкупи – Ренова, Академија Пандев – Борец и Шкендија – Македонија Ѓ.П.