Венгер: Знаеме што треба да направиме против Атлетико

Вечерва Арсенал во 21:05 часот ќе го игра реванш натпреварот од Лига Европа против Атлетико Мадрид.

Првата средба се играше на Емиратите и заврши со 1:1, што им дава предност на Атлетико кој веќе беше фаворит, тренерот на Арсенал, Арсен Венгер изјави дека има јасен план за победа на гостински терен.

“Во вториот натпревар знаеме што точно треба да направиме. Тоа може да биде нашата предност”, изјави Венгер, пренесуваат странските медиуми, па ја откри причината за ремито од првиот натпревар.

“Голманот на Атлетико, Јан Облак беше фантастичен во првиот натпревар, и се надевам дека тој нема да биде толку добар во Мадрид”.

Ова е последната сезона за Венгер на клупата на Арсенал. За тоа што ќе прави во иднина многу се шпекулира.

“Сеуште не знам каде ќе бидам следната сезона. Сега сум фокусиран на Арсенал, сакам да ја завршам работата и имам намера да се заврши оваа приказна со достоинство”, рече Венгер.