Видал може да го пропушти мечот на сезоната за Интер

Артуро Видал беше заменет на мечот со Болоња викендов во вториот дел поради повреда на бутниот мускул. Сега клупските лекари прават напори да го оспособат за мечот на сезоната за Интер. Имено, утре вечер „Нероаѕурите“ играат против Шахтјор, а само победа ги носи во следната рунда во ЛШ, но треба да се надеваат дуелот помеѓу Реал Мадрид и Менхенгладбах да не заврши нерешено.

Видал поради исклучување, два жолти картони, на мечот со Реал Мадрид, го пропушти мечот со Менхенгладбах кој Интер го доби со 3:2. Сега, неговиот настап и против Шахтјор е неизвесен, а токму тој по доаѓањето од Барселона е еден од најстандардните играчи и миленик на Антонио Конте.