Видал признава: Сонувам за финалето во Истанбул и подготвени сме да го освоиме

Играчот од средниот ред на Барселона се чини дека ги освои срцата на навивачите на Каталонците, кои ја сакаат неговата посветеност, во напад и одбрана.

Во интервју за „Спорт“, Чилеанецот зборуваше за неговата голема желба и интересот на некои екипи на пазарот.

Видал вели: „Среќен сум овде, дојдов да победам и да му помогнам на тимот да игра важна улога, како што тоа се случувало секогаш во мојата кариера. Мислам дека не се менуваат тимови така лесно. Ако клубот и тренерот ми кажат дека морам да заминам, тогаш е друго прашање“.

„На клубот му е потребна Лига на шампиони, но мора да размислиме и за шампионатот и Купот, не е лесно, но ние ги имаме вистинските луѓе и желбата да освоиме сè. Сонувам за финалето во Истанбул и подготвени сме да го освоиме. Знаеме дека е наша година “, рече Видал.