ВИДЕО: Аталанта сруши рекорд, а фудбалерите на Јувентус на моменти немоќни

Тренерот Гасперини за она што го постигна во изминатите две сезони со Аталанта ќе влезе во историјата на овој клуб. Откако минатата сезона за прв пат во историјата обезбеди пласман во Лигата на шампионите и стигна до четвртфиналето, оваа година исто така го осигура пласманот во „елитата“. Во моментов овој тим е на третото место со 67 бодови, еден помалу од Лацио и девет од Јувентус.

Токму на лидерот Аталанта му гостуваше синоќа и одигра 2:2. Сепак, тимот на Гасперини беше на чекор до победа, но Роналдо преку два пенали успеа да го спаси Јувентус од пораз.

По синоќешниот меч Аталанта воедно сруши и рекорд стар 70 години. Запата и Иличиќ до овој момент имаат по 15 погодоци, а прв стрелец на тимот е Муриел со 17 голови. Со тоа станаа прва екипа во првенството која има трјца играчи кои во една сезона постигнале 15 или повеќе гола.

Последен пат ваков подвиг им успеал на играчите на Јувентус, Ермес Мучинели, Џампјеро Бониперти и Џон Хансен. Последни во Европа кои имале сличен учинок се Килијан Мбапе, Нејмар и Единсон Кавани во дресот на Пари Сен Жермен во сезоната 2018/2019.

Gli 8 minuti e 11 secondi del primo tempo in cui l’Atalanta non fa toccare palla alla Juventus nella metà campo avversaria e va a segnare lo 0-1, ma con il commento musicale che Gioacchino Rossini dedicò a un connazionale di Remo Freuler. pic.twitter.com/0RtHPbYAWQ

— Mario bano (@Mario7854116363) July 12, 2020