Connect with us

Фудбал

ВИДЕО: Дресот на емотивно исцрпениот Јармоленко отиде во погрешни раце

Адриј Јармоленко минува низ голема животна драма, но во исто време постигнува голови за Вест Хем.

Јармоленко синоќа му донесе победа на Вест Хем по продолженија против Севиља и пласман во четвртфиналето на Европската лига. Украинскиот репрезентативец влезе од клупата и постигна гол, исто како неодамна против Астон Вила во Премиер лигата.

Откако го реши прашањето за победникот во многу важен меч за лондонскиот клуб, Јармоленко се прости од навивачите кои го гушкаа и тешеа за се што се случуваше во неговата земја.

Го соблече дресот и отиде да му го подари на навивач со украинско знаме, но на крајот за дресот се избори еден многу упорен помлад навивач на лондонскиот тим.

Се гледаше дека Јармоленко се обиде да му го достави дресот на „Украинецот“, но навивачот во првиот ред успеа да се „избори“ за него.

На социјалните мрежи многумина го критикуваа навивачот од првиот ред на трибината бидејќи евидентно е дека го принудил Јармоленко да му го подари дресот, иако, повторуваме, бил наменет за лице со украинско знаме.

Јармоленко, како и многу Украинци, минува низ мрачен период во својот живот и постојано го привлекува вниманието на она што се случува во неговата земја од 24 февруари и почетокот на руската инвазија, но светот не реагира соодветно за да се запре војната.