ВИДЕО: Европскиот пат на Македонија ЃП заврши во Софија

Македонскиот претставник во квалификациите за Конференцикста лига, тимот на Македонија ЃП немаше сили на реваншот против ЦСКА Софија.

После првото полувреме водеше домаќините со 1:0, голот беше дело на Матеј после асистенцијата ба Маурисио во 31 минута од средбата на стадионот „Бугарска Армија“.

Предноста ја зголеми Јомов во 61 минута, а асистентот на тој погодок Туфегџиќ стрелаше за 3:0 во 78 минута. Конечниот епилог го постави интернационалецот од Хаити, Назон, во 87 минута за убедлива победа на ЦСКА Софија од 4:0.

Со овој пораз Македонија Ѓорче Петров го заврши настапот во Европа за оваа сезона.