ВИДЕО: Мајсторијата на Форналс што го замолкна Бернабеу

Не се работи за кој било клуб, туку за актуелниот шпански и европски првак Реал Мадрид кој е најголемата мизерија во моментов во Европа. Вечерва тимот на Зинедин Зидан е совладан пред своите навивачи од Виљареал (0-1), првпат во историјата на меѓусебните дуели.

Реал имаше повеќе од играта, упати 20 шута кон противничкиот гол, но не ја затресе мрежата на фантастичниот Асенхо кој имаше свој ден. Казната стигна во 88. минута кога Форналс на прекрасен начин го совлада Навас и му донесе три бода на Виљареал.