Connect with us

Фудбал

ВИДЕО: Пандев погоди и донесе надеж за Џенова

Горан Пандев и донесе победа на Џенова во пресметката со Сасуоло и ги постави конечните 2:1. Капитенот на македонската репрезентација погоди во 86-тата минута по една контра.

Џенова поведе преку Кришито од пенал во 29. минута, четири минути подоцна изедначи Обијанг, а решавачкиот момент се случи во 86. минута кога Пандев натрча на една нафрлена топка, а по одбранетиот првичен удар, во пад ја зафати топката со глава и постигна гол за голема радост на домашните навивачи.

Со новите три бода, Џенова не е веќе последна во Серија А. Сега има 14 бода (19.место),  исто колку и Бреша која е 18-та.