ВИДЕО: Потег на денот, двоен цепелин од Душебаев во тесната победа над Унгарија

Шпанија ја запиша втората победа на Европското првенство кое се игра во Хрватска. Вечерва „црвената фурија“ во Вараждин беше поуспешна од Унгарија, која иако одигра фантастичен меч не успеа да изненади и на крај беше поразена со 25-27 (12-13) Со оваа победа Шпанија го потврди учеството во следната рунда, додека понатамошен пласман Унгарија ќе бара во последното коло против Чешка.

Душебаев, Ривера и Арино со по четири гола беа најпрецизни во таборот на „црвената фурија“, додека кај Унгарија се истакна Бинхиди со шест гола.