Connect with us

Фудбал

ВИДЕО: Реал денеска го отвора новиот Сантијаго Бернабеу. Погледнете ја импресивната снимка во внатрешноста

Реал Мадрид од 16:15 часот ќе игра против Хетафе во четвртото коло од Ла Лига. Тоа е прв натпревар на Реал на домашен терен оваа сезона, а посебен е затоа што клубот денеска го отвора реновираниот Сантијаго Бернабеу. Проектот за реновирање чинеше 400 милиони евра, а целосното реновирање траеше три години.

Стадионот доби подвижен покрив, големи семафори и терен кој може да се прилагоди за различни спортови, од фудбал до кошарка и тенис. На пример, на него можете да играте кошарка и тенис во исто време. Во рамките на реновирањето се изградени бројни продавници, кафулиња и хотел.

Реал истакна дека ова е стадионот на 21 век и пример за дигиталната иднина. Дополнително на сето ова, тревата може автоматски да се превиткува и вертикално да се наредува во посебна комора сместена под површината на теренот.

Теренот на Бернабеу во таа длабока комора ги има сите неопходни услови за да остане во совршена состојба; од системи за аерација и наводнување до третман со ултравиолетови зраци кои симулираат сонце. Особено привлечна е сцената на расклопување и склопување на стадионот. Стадионот има и видео екран од 360 степени.