ВИДЕО: Силекс сам си постигна гол со кој Струга Трум Љум обезбеди историски пласман во Лига Европа

Се е познато по одигрувањето на последното коло во ПМФЛ. Шкендија е шампион, Шкупи ќе игра квалификации Лига Европа, а истото важи и за Струга Трум Љум, тим кој за прв пат ќе игра на европската сцена откако попладнево славеше со 1:0 на гостувањето кај Силекс. Кратовци практично ја „подарија“ победата на тимот од Струга откако домашниот дефанзивец Благојевиќ ја затресе сопствената мрежа во 67-та минута.

Што се однесува до долниот дел од табелата, таму познато е дека Вардар и Беласица испаднаа, а токму Силекс, но и Ренова ќе играат бараж против некој второлигаш за опстанок во Првата лига.