Connect with us

Фудбал

ВИДЕО: Србин го донесе својот син на терен и го сликаше во прегратките на Меси

Лионел Меси дебитираше во дресот на ПСЖ на синоќешниот меч на гости против Ремс (0:2), а посебен момент доби српскиот голман Предраг Рајковиќ, кој по натпреварот му пријде на Аргентинецот и го замоли да се фотографира со неговиот син.

Меси влезе во игра во 66. минута кога го замени Нејмар, а до крајот на натпреварот немаше сериозни шанси за гол.

Рајковиќ, пак, бранеше добро во текот на целиот натпревар, а на крајот од мечот одлучи да го овековечи својот мал син во прегратките на одличниот Лионел Меси.

Аргентинскиот ас се согласи без дискусија, земајќи го детето во раце, а Рајковиќ направи фотографија со својот мобилен телефон, што ќе биде од непроценлива важност за неговиот син во иднина.

Тој детал беше снимен и од камерите, а видеото брзо стана хит на социјалните мрежи.