Connect with us

Фудбал

Во дрес на Баерн отиде на трибината на навивачите на ПСЖ, се вклучи на Тик-Ток, го фатија, го соблекоа и претепаа (ВИДЕО)

Навивач на Баерн е повреден на трибините на Паркот на принцовите откако реши да го гледа натпреварот од Лигата на шампионите меѓу приврзаниците на Пари Сен Жермен. Не само што се „шверцуваше“ меѓу нив, туку и реши да сними видео блог за да ја покаже својата „храброст“, што секако не заврши добро за него бидејќи не им требаше многу на парижаните, кои патем ги имаат можеби најжестоките ултраси во Франција, за да го забележат натрапникот и да се справат со него.

Можеби ќе го оставија сам доколку споменатиот навивач на Баерн не го облечеше дресот на германскиот клуб под тренерката и не го покажеше додека снимаше за TikTok, надевајќи се дека ќе стане вирален, а остатокот од видеото кое сега кружи на социјалните мрежи покажува дека сериозно е претепан.