Во мои повреди се сомневате, а другите се жртви, на Ѓоковиќ му „пукна“ филмот поради обвинувањата дека лажира повреда

Новак Ѓоковиќ за повредата и лекувањето проговори во медиумите каде е обвинет дека лажира се. Новак Ѓоковиќ изјави дека победата против Алекс де Минор му била и најдобриот меч што го одиграл во 2023 година и дека се чувствувал добро по проблемот со повредата на ногата, па оценил дека натпреварот бил „совршен“ за него.

Сепак, откако се појавија бројни коментари дека Ѓоковиќ ја „лажирал“ повредата, за што дури бесрамно зборуваше и Австралиецот кој беше исчистен во три сета, српскиот ас не им остана должен.

„Тоа им го оставам на нив… Тие луѓе што се сомневаат нека продолжат да се сомневаат. Интересно е што се сомневаат само во мои повреди, а кога ќе се повредат некои други играчи, тогаш тоа влијае на нив и потоа тие се жртви, а јас јас сум играч кој се преправа. Многу е интересно. Ќе оставам малку нејасно, но знаете за кого зборувам“, изјави Ѓоковиќ без влакна на јазикот и продолжи со истиот тон во разговорот со српските новинари.

Не се чувствувам како да треба да докажувам некому нешто во таа смисла. Имам снимки од оваа година и од пред две години. Ултразвукот е тука да го докаже тоа. Не знам дали ќе го објавам во документарец или на социјалните мрежи – можеби нема. Се зависи од тоа како се чувствувам, а сега не ми е грижа што мислат луѓето. Смешно е како тој наратив продолжува околу мене, кој се разликува од другите играчи, а ние поминуваме низ слични ситуации. Навикнат сум да се соочувам со тоа и уште повеќе ме мотивира. Им благодарам затоа што ме мотивираат…“, рече Ѓокови.