Време е за големо враќање! Часовите го делат Чави од клупата на Барселона!

Одличен кам-бек! Чави Ернандез, легендарниот фудбалер на Барселона, наскоро ќе биде промовиран за тренер на каталонскиот гигант, пренесуваат светските медиуми.

Актуелниот тренер на Ал-Сада потврди дека имал средба со највисоките претставници на Барселона и дека разговарале за многу работи.

„Не можам да ви кажам ништо конкретно, разговаравме за многу работи. Не го кријам сонот за тренер на Барселона, тоа го кажав многу пати, но … Во моментов сум тренер овде и давам се од себе. Бев фокусиран на полуфиналето, а сега фокусот ми е на финалето (Азија, Лига на шампиони) – рече Шпанецот.

Исто така, спортскиот директор на Ал-Сада Мухамед Гулам Ал Балуши ги потврди преговорите и му посака среќа на Чави секогаш кога ќе одлучи да го напушти катарскиот клуб.

Клупата на Ернесто Валверде веќе подолго време се тресе, Барселона не игра како што се очекуваше и прашање е на време пред Чави да го наследи.