„Заборави го Хабиб и борисе со мене, но ова нема никаква врска со пари“

Една од легендите на УФЦ Андерсон Силва испрати порака до Конор Мекгрегор.

Во интервју за „ТМЗ“, 43-годишниот бразилски борец вели дека сака да се бори против Конор Мекгрегор.

Пред да се бори со Хабиб, Конор тврдеше дека сака да биде во октагонот со 43-годишниот Бразилец.

“Заинтересиран сум за борба против Андерсон Силва. Тој е легенда, јас сум легенда и одиме да го направиме тоа за навивачите. Убеден сум дека навивачите ширум светот сакаат да ја видат оваа борба”, рече Мекгрегор.

“Го прифаќам предизвикот на Конор, само чекам да се опорави од последната борба”, рече Силва.

“Две големи имиња, две легенди, зошто да не се бориме? Не верувам во реванш на Конор и Хабиб, мислам дека на Конор повеќе му треба борба со мене. Но, оваа борба нема никаква врска со пари, тоа е предизвик за боречки вештини”, рече Бразилецот.

Во својата кариера Силва има 34 победи, осум порази и една борба без одлука. Мекгрегор има 21 победа и четири порази.