Занети: Интер има за цел да ја освои Лига Европа

После неуспехот во групната фаза од ЛШ, Интер ќе го продолжи своето патување во Лига на Европа, каде ќе се соочи со Лудогорец во 1/16 фаза од ова натпреварување.

Потпретседателот и истовремено легенда на клубот, Хавиер Занети изјави дека Лига Европа е цел на Интер, кој ќе се обиде да ја освои.

„Жал ми е што не успеавме да се квалификуваме во следното коло од ЛШ. Сега сме фокусирани на затворање на шампионските натпревари, но секако Лига Европа е цел за нас. Ќе се соочиме со натпреварите со најголема сериозност и ќе се обидеме да дојдеме до крајот на ова натпреварување “, изјави Занети.

Занети одлично зборуваше за тренерот на Интер, Антонио Конте, кој дојде на клупата токму ова лето и успеа да изгради тим способен да се движи чекор-по-чекор со Јувентус во лигата.

„Јас внимателно ја гледам неговата работна култура и страста што тој успева да ја пренесе пред целата група, елементи кои се многу важни за тим што сака да се опорави. Тој е подготвен и интелигентен. Ние сме на почетокот на долг пат и мора да работиме на подобрување, но ние сме на вистинскиот пат“, рече Занети.