Згаснаа надежите на Македонија за нов медал на Олимписките игри, нашиот најголем адут не успеа

Магомедгаджи Нуров во борбата за пласман во полуфинале на боречкиот Олимписки турнир загуби од кубанскиот шампион Ринерис Салас Перез со резултат 6:4!

На почеток на борбата, Нуров имаше одличен зафат, но кубанскиот борач изведе против акција и доби 4 поени.

Во втората рунда, Нуров тргна на се или ништо и за кратко време имаше два одлични зафати за кои доби по два поени и изедначи на 4:4.

На околу 20-ина секунди пред крајот на борбата Нуров тргна во акција, но повторно кубанскиот борач изведе против зафат и доби два поени кои му беа доволни да извојува победа против најдобриот македонски борач.

Нуров и покрај поразот имаше шанса преку репасажот да се бори за бронза, но само доколку Кубанецот Салас обезбедеше пласман во финалето.

Меѓутоа Абдулрашид Садулев кој беше голем фаворит не дозволи изненадување и го победи Кубанецот со 4:0 така згасна и последната шанса за Нуров.