Други спортови
Жестоки казни за сите тенисери, учесниците не смеат да го напуштат „меурот“
Учесниците на УС Опен ќе мора да ги почитуваат острите мерки на заштита во Њујорк поради тешката ситуација со коронавирусот во Америка. УС Опен на програмата е од 31 август до 13 септември. Како што и порано беше најавено, публика нема да има, но играчите ќе бидат изолирани, нешто слично како во НБА лигата.
Учесниците ќе бидат во т.н „меур“ и нема да смеат да ја напуштат оваа изолација без дозвола на шефот на медицинската служба и директорите на турнирот. Кој го прекрши ова правило, жестоко ќе биде казнет. Ќе следува исфрлување од турнирот и сериозна финансиска казна.
— José Morgado (@josemorgado) August 4, 2020
Колку за потсетување Ѓоковиќ потврди дека ќе учествува на УС Опен, додека Надал поради ситуацијата со коронавирусот, одлучи да го скокне овој Грен Слем.
