Жирков (38) раскина со Химки

Дефанзивецот Јури Жирков се раздели со московски Химки откако му истече договорот, пренесе ТАСС. Од Химки си заминуваат и Павел Мамаев , Гиа Григалава и Бесард Сабович . Жирков, кој играше за Челзи две години помеѓу 2009 и 2011 година, забележа само три натпревари за рускиот клуб во втората половина од сезоната 2021/22. Тој пропушти осум натпревари поради повреда.

Со руската репрезентација, 38-годишниот Јури Жирков стана бронзен медал на Европското првенство во 2008 година и стигна до четвртфиналето на Светското првенство 2018 година.