Зидан за продажбата на Хакими на Интер: Тоа е тоа!

Тренерот на Реал Мадрид, Зинедин Зидан ја коментираше ситуацијата со Ашраф Хакими, кој се очекува да биде продаден во Интер за 40 милиони евра. Десниот бек ги мина последните две сезони на позајмица во Борусија (Дортмунд) и, иако Зизу изјави дека сака да се потпира на него во иднина, сега тој е пред трансфер. Од зборовите на менторот е јасно дека ова е направено за пари.

– Ашраф? Постои спортско-технички аспект на нештата, но има и економски. Сега не е време да разговараме за тоа, иако наскоро може да има нешто официјално. Постојат три страни – клуб, фудбалер и тренер. Работите се решаваат на поинаков начин. Тоа е тоа, рече Зидан на денешната прес-конференција.

На Реал му требаат пари затоа што поради кризата скоро сигурно нема да може да ги продаде скапите Хамес Родригез и Герет Бејл на кои очигледно не се потпира. Покрај Хакими, во клубот има уште 12 отстапени кои се враќаат во Бернабеу.