Златен медал за Дејан Недев на ЕП во Катовице во карате

Најдобриот македонски каратист Дејан Недев го освои златниот медал во кати на Европското првенство во карате во сениорска конкуренција, чиј домаќин беше полскиот град Катовице.

Недев дојде до златното одличје во жестока конкуренција од 28 натпреварувачи од најсилните европски карате земји.

За Недев ова е седма европска титула во неговата трофејна кариера.

Претходно Камелија Недев освои сребрен медал во категоријата кати за деца 8-9 години на Европскиот куп во Катовице, Полска.

Македонската каратистка во финалето загуби од Наоми Роха од Израел.

На ЕК учествуваат 28 земји со над 500 натпреварувачи.