Ѕвездата на Манчестер Јунајтед имала сообраќајка на пат кон тренинг (ФОТО)

Португалскиот фудбалер Бруно Фернандеш утрово доживеа сообраќајна несреќа во Манчестер. Англиските медиуми утринава објавија дека играчот од средниот ред на Манчестер Јунајтед имал сообраќајна несреќа, што набрзо го потврдила и полицијата. Бруно Фернандес бил во своето Порше Панамера и доживеал несреќа на пат кон тренинг центар во Карингтон. За среќа, Фернандез помина без посериозни повреди, исто како и останатите учесници во оваа несреќа. Сан пишува дека во автомобилот со Фернандез имало уште три лица, а за среќа никој од нив не е тешко повреден. Манчестер Јунајтед потврди дека Фернандеш доживеал несреќа, но соопшти дека денеска ќе тренира со другите соиграчи и дека се чувствува добро. Јунајтед веќе утре го очекува големо дерби против Ливерпул на „Енфилд“ и како што стојат работите Фернандеш ќе биде подготвен за мечот, но повеќе за сето тоа денеска ќе открие Ралф Рангник на прес-конференција.