Ќе заигра ли утре Ибрахимовиќ против Јувентус? Стефано Пиоли ги расчисти сите дилеми

Милан се уште е единствената екипа во Серие А која нема пораз сезонава, но и во најсилните пет лиги во Европа. „Росонерите“ се на првото место на табелата, иако веќе извесен период играат без најдобриот, но и највозрасниот Златан Ибрахимовиќ кој е повреден. Имаше информации дека е можно тој да заигра на утрешното дерби против Јувентус, но сепак тренерот Стефано Пиоли ги реши сите дилеми.

-Подобар е, добро работи, но сепак нема да биде присутен на утрешниот меч, изјави Пиоли.

Ибрахимовиќ е „аут“ од 22 ноември односно по победата од 3:1 над Наполи. Само во шест мечеви тој постигна 10 погодоци и практично го разигра Милан.

Серие А, 16.коло (среда)

Каљари – Беневенто (12:30 ч)

Аталанта – Парма (15:00 ч)

Болоња – Удинезе

Кротоне – Рома

Лацио – Фиорентина

Сампдорија – Интер

Сасуоло – Џенова

Торино – Верона

Наполи – Специја (18:00ч)

Милан – Јувентус (20:45ч)